根據 2019/8/19 暝昏座談莊生所言大意整理

• 「專業是咱安身立命兮基礎。但是呢，汝佇這個專業內面有競爭兮壓力，久而久之有時陣嘛解癔ià，甚至按解失去興趣。抑若佇專業之外，有一項業餘兮，做為一種興趣是袂䆀……我當其時若選擇音樂做專業，我本身著面對佮別儂兮競爭，按遐我練手風琴兮時陣，煞著按鐳這方面去考慮。按遐就失去了伊原本兮意義，怎解享受著音樂兮趣味呢？」

• 「寫格律詩較好……汝看現在所謂現代詩，莫講格律，含hām押韻都攏無講究，按遐敢聽thèng叫做詩啊？當代遮真濟詩人，心內想著啥現寫落來，現表露出來，若講做為散文是猶泛泛，敢聽叫詩？拄按咱畫尪仔，愛落鄉去野外採風，看著啥照實畫落來，做為寫生是解使，但是，寫生敢解使算正式作品？……所以講，寫詩著愛將咱目睭所見、心內所想兮交ka提煉出來，並且儘量講究平仄押韻，按遐正解使叫詩。」